அதிரடி நடவடிக்கை !! எல்லை பாதுகாப்பு படையின் உயர்மட்ட அதிகாரிகள் நீக்கம் !!

 எல்லை பாதுகாப்பு படையின் உயர்மட்ட அதிகாரிகளை மத்திய அரசு அதிரடியாக நீக்கியுள்ளது. நேற்று, BSF இயக்குநர் ஜெனரல் நிதின் அகர்வால் மற்றும் அவரது துணை, சிறப்பு இயக்குநர் ஜெனரல் YB குரானியா ஆகியோரை பதவி நீக்கம் செய்து பணியாளர் மற்றும் பயிற்சி துறை(DoPT ) உத்தரவு பிறப்பித்து உள்ளது . இரண்டு அதிகாரிகளும் அவர்களது அசல் மாநில கேடருக்கு திருப்பி அனுப்பப்பட்டுள்ளனர். பாகிஸ்தான் எல்லைப் பகுதி குரானியாவின் பொறுப்பில் இருந்தபோது அகர்வால் கடந்த ஆண்டு பிஎஸ்எஃப் தலைவராகப் பொறுப்பேற்றார்.

எல்லை பாதுகாப்பு படை(BSF) டைரக்டர் ஜெனரல் பதவியில் இருந்து நீக்கப்பட்ட நிதின் அகர்வால், 1989 பேட்ச் கேரர் கேடரைச் சேர்ந்த ஐபிஎஸ் அதிகாரி ஆவார். BSF சிறப்பு DG YB குரானியா 1990 பேட்ச் ஒடிசா கேடர் அதிகாரி. குரானியா, சிறப்பு DG ஆக, BSF இன் மேற்கு மண்டலத்தின் தலைவராக இருந்தார். மேற்குப் பகுதி என்பது பாகிஸ்தான் எல்லை. இரு அதிகாரிகளையும் நீக்க அமைச்சரவையின் நியமனக் குழு ஒப்புதல் அளித்துள்ளது. இதையடுத்து, டிஓபிடி உத்தரவு பிறப்பித்துள்ளது.

சர்வதேச எல்லையில் தொடர்ந்து ஊடுருவி வருவதால், எல்லைப் பாதுகாப்புப் படையின் டைரக்டர் ஜெனரல் நிதின் அகர்வால் மற்றும் துணை ஒய்.பி.குரானியா ஆகியோரை பதவி நீக்கம் செய்ய முடிவு செய்யப்பட்டுள்ளது. மத்திய அரசும் பிஎஸ்எஃப் தலைவர் மீது ஒருங்கிணைப்பு குறைபாடு குறித்து பல புகார்களைப் பெற்றுள்ளது. ஆனால், இந்த அதிகாரிகளை நீக்குவதற்கான காரணத்தை மத்திய அரசு இன்னும் தெளிவுபடுத்தவில்லை.

பயங்கரவாதத்தை கையாள முடியாமல் ஒரு படையின் தலைவர் அகற்றப்படுவது இதுவே முதல் முறை. இதற்கு முன், கடந்த 2019 ஆம் ஆண்டில் நடந்த புல்வாமா தாக்குதலில் கூட, உள்துறை அமைச்சகம் யாரையும் பொறுப்பேற்கவில்லை. ஜம்மு காஷ்மீரில் புதிய பாதுகாப்பு கட்டமைப்பை தயார் செய்யும் நேரத்தில் மத்திய அரசு இந்த நடவடிக்கையை எடுத்துள்ளது. சமீப காலமாக, ஜம்மு காஷ்மீரில் பயங்கரவாத நடவடிக்கைகள் அதிகரித்துள்ளதையடுத்து, ஏராளமான பொதுமக்கள் மற்றும் பாதுகாப்பு படையினர்- ராணுவ வீரர்கள் கொல்லப்பட்டுள்ளனர். பல தசாப்தங்களாக பயங்கரவாதம் இல்லாத ஜம்முவின் தோடா பகுதியும் மீண்டும் பயங்கரவாதத்தின் பிடியில் சிக்கியுள்ளது.

BSF நாட்டின் வலிமையான சக்தி. 2.65 லட்சத்திற்கும் அதிகமான வீரர்களின் பலம் கொண்டது. மேற்கில் பாகிஸ்தானுடனான இந்திய எல்லை மற்றும் கிழக்கில் இந்தியா-வங்காளதேச எல்லையின் பாதுகாப்பிற்கு BSF பொறுப்பு.